Para Bapak ibu serta para rawuh ingkang dahat kinurmatan
Sumangga langkung rumiyin kita tansah ngonjukaken puji syukur dhumateng ngarsanipun Gusti Ingkang Maha Agung. Ingkang sampun kepareng maringi kasehatan saha kasarasan satemah kula lan panjenengan sedaya saged kempal manunggal wonten papan menika kanthi boten kirang setunggal menapa.
Boten kesupen, sholawat saha salam mugi kaaturaken dhumateng Kanjeng Nabi
Muhammad SAW, nabi ingkang kula lan panjenengan antu-antu syafaatipun ing
yaumul akhir. Aamiin.
Hadirin para rawuh ingkang bagya mulya.
Wonten ing ngriki keparenga kula badhe ngaturaken perkawis covid 19.
Kirang langkung 2 taun virus covid 19 sampun nyerang Bangsa Indonesia. Alhamdulillah samenika sampun radi rereb. Ananging kita sedaya boten pareng jumawa. 3M boten pareng dilalekake.
M ingkang sepisan inggih meniki maskeran. Menawi tindak wonten kahanan
ingkang rame, kita kedah tetep ngangge masker. Ampun ngantos kesupen. Caranipun
nagngge masker ugi kedah leres, boten asal-asalan.
Lajeng M kaping kalih yaiku mijiki asta ngangge sabun ing toya mili. Ampun
bosen-bosen wijik supados astanipun resik. Nopo malih menawi badhe maem.
Para rawuh ingkang kinurmatan.
Salajengipun M kaping pungkasan yaiku maringi jarak kalih tiyang sanes.
Sawetawis wekdal kita sedaya perlu ngirangi tindak-tindak ing papan rame
ingkang boten perlu. Supados langkung aman. Kita aman keluarga aman, sedoyo
aman. Aamiin ya robbal amlamin.
Para rawuh ingkang kinurmatan. Menika kalawau 3M kedah kita tansah terapaken
ampun ngantos kesupen. Sanesipun 3M, kangge nglawan ccovid 19 kita ugi
betahaken Vaksin, dados menawi wonten kesempatan kangge vaksin, boten usah ragu
lan bingung, vaksin mawon. Vaksin napa mawon boten usah pilah-pilih, sedaya
menika insyaAllah aman sampun pikantuk ijin saking WHO.
Hadirin para rawuh ingkang bagya mulya.
Wasana cekap semanten ingkang saged kula aturaken,
Dhahar kupat lawuh santen,
Bok bilih wonten lepat kula nyuwun pangapunten.
WassalamualaikumWr. Wb.
0 komentar:
Posting Komentar